我會做好呢份工！
曾特首角逐連任搵左「我會做好呢份工！」做競選口號
如果換轉其他行業或者其他人
應該會咁講：
地盤佬：「我會鑽好呢個窿！」
氣功師：「我會發好呢次功！」
八達通公司：「我會整好八達通！」
天文台：「我會測好呢個風！」
整容醫生：「我會隆好呢個胸！」
鐘錶師：「我會整好呢個鐘！」
廚師：「我會爆好呢碟蔥！」
麻將腳：「我會碰好呢隻東！」
電話sales：「我會賣好呢批phone！」
雪糕店員：「我會斟好呢個cone！」
大學畢業生：「我會還好呢個loan！」
果然係一個好口號
不過
我地香港市民最想同曾生講：
「唔想聽你發up瘋！」
由 李酷 發佈 @ 22:17
2 則留言:
哈哈哈，早幾日太陽都有類似的文章呀，笑死我！
04/02/2007
文： 雷龍 （from 太陽日報）
自從特首曾蔭權振臂一呼拋出擲地有聲的競選口號之後，「我會做好呢份工」頓然成為城中最熱門的人氣口頭禪。煲呔個人魅力蓋過另一位特首候選人巴士阿叔，競選口號則力壓其金句「你有壓力、我有壓力」。
「我會做好呢份工」大有可能成為今年家家戶戶貼在牆上的賀年揮春，而且在人人爭相效尤之下，曾氏口號在坊間衍生出多個版本，個個勵精圖治，社會一片和諧。不同版本茲錄如下——
地盤工：我會鑿好呢個窿！
肥師奶：我會煮好呢餐?！
麻雀腳：我會打好呢隻東！
便秘漢：我會出好呢個恭！
經紀陳：我會賺好呢個佣！
祈福黨：我會博好呢個懵！
蠱惑仔：我會紋好呢條龍！
一樓一：我會做好呢隻鳳！
私鐘妹：我會出好呢個鐘！
女明星：我會隆好呢個胸！
平民百姓固然受到曾蔭權激勵啟發，盡情發揮小宇宙，香港欣欣向榮，未到年三十晚，全人類賣懶。甚至乎，官場政壇亦紛紛以煲呔為師。
即以每周?一鑊的?福局局長周一嶽為例，由於撞板多過食飯，防範蚊叮蟲咬的瘟災疫症經常受到詬病，所以他的座右銘乃是：我會捉好呢條蟲！
至於財政司司長唐英年，十分無奈地，因為曾蔭權企圖利用減稅收買人心，孤寒財爺被迫割肉還富於民，他咬緊牙齦吐出悲壯的一句：我會忍好呢個痛！
想做特首的梁家傑不必多說了，他也受到對手煲呔感染，不斷自我勉勵：我會發好呢個夢！
當然，長毛梁國雄是誓死反對梁家傑參選的，到處踩場抗議，因此長毛也有口號：我會發好呢個瘋！
其實我係冇睇過太陽呢篇
不過見到今日(8/2)蘋果刊登了部分
而且仲收到部分朋友回轉電郵給我
發佈留言
訂閱 發佈留言 [Atom]
<< 首頁