朋友首日封

（當男朋友愛上）男朋友

原來呢隻歌已經有十年歷史
梁朝偉的獨白好明顯係九十年代末的產物
「三國誌」係咪要改「ＮＤＳ」
「北京控股」應該改為「中國工行」
「Ｙａｈｏｏ！」就被「ｙｏｕｔｕｂｅ」代替

曲：雷頌德
詞：黃偉文
編：DRY
唱：DRY
白：梁朝偉

獨白：撞返佢果日，我岩岩同女朋友因為簡東拿而嗌左場大交，至於點解係簡東拿，我諗唔係咁方便講畀大家聽。總之我地係埋一齊四年，曾經試過因為三國誌、加州反卷、維他命B雜、北京控股、松隆子的化妝品廣告，甚至係Yahoo!的net search，同埋好多次唔係太適合作為分手理由的原因，而嗌過無數次交。我諗，情形其實同一般情侶冇乜大分別。

甚麼不妥？ 餐廳選錯？ 鮮花揀錯？ 敏感麼？
甚麼都錯？ 刀叉擺錯？ 英文講錯？ 我識錯？
我要以我這種粗魯失禮 難自制 就像未曾入世
去襯托你那種優雅高貴 教養才學與智慧

猜一猜 幾千萬人 幾億萬人 站著任你怨的人 會有幾人
想一想 幾千萬人 幾億萬人 獨獨是我這種人
有這種特別成份 才可將你優點映襯

獨白：講返呢個偶然在街上面撞返的人，嚴格來講，佢算係我大學的同學，同級但唔同系。二年級個陣，一齊修讀過一個學期《西方思想哲學導論》，在電影節撞過幾次，於是約過下大家打籃球，同埋睇進念的舞台劇。最記得個一次，係有一年的二月十三號，大家一齊在大學站miss左出九龍的尾班火車，我同佢企在冇人的月台上面，過左o個個情人節的十二點，我請佢食左一塊朱古力橙餅。畢業之後，唔知點解我地就冇再聯絡，甚至可以話，呢七八年之間，我只係諗返起呢個人一兩次……最多三次……

去對照你那種精緻仔細 無人能及你駕勢
猜一猜 幾千萬人 幾億萬人 站著任你怨的人 會有幾人
想一想 幾千萬人 幾億萬人 獨獨是我這種人
有這種特別成份 才可將你優點映襯

獨白：直至今日，我地有一次在夜晚八點幾的銅鑼灣撞返，今次係佢認到我先。冇見對方接近十年之後，佢同我講的第一句說話係：『我屋企雪左 vodka，上來陪我飲杯丫』後來我先知道，佢個晚係同女朋友嗌左交，聽講係因為Madonna的Don't Cry for me Argentina。

猜一猜 幾千萬人 幾億萬人 糊塗但愛你的人 哪裡找尋
想一想 幾千萬人 幾億萬人 獨獨是這對戀人
有這種特別成份 從相反處顯得相襯

獨白：跟住落黎的故仔，其實係冇咩好講。我只係想話，搵到一個可以陪你行街、睇戲、食飯、睏覺、結婚生仔的人似乎唔係咁容易，但要搵到一個，同你一樣咁鍾意滑水，一樣咁迷川久保玲、一樣識唱晒成首金剛飛天轉主題曲，一樣習慣食完晒D飯先慢慢歎D鳳爪排骨的人就更加萬中無一，其他的野，都已經唔係咁重要。於是，我同佢係埋一齊，一路到而家。

由 李酷 發佈 @ 01:56