朋友首日封

31/5-6/6的台灣之旅

（部分內容可能屬於不雅，敬請留意）

去左七日
好好玩

DAY 1
高雄落機之後搭巴士去墾丁
之後搵左間民宿 NT$2700兩晚
第一晚冇景觀
安頓後去左小灣曬同游水
游完返民宿沖身後
出去墾丁大街搵食
記住食傻大姊豬腳
好好味

DAY 2
搭車去左國立海洋生物博物館
NT$450入場費
幾多野睇
最搞笑係條白鯨公扯左旗
猛咁搞條雌白鯨
睇左幾個字都搞唔成
之後行去睇其他生物
夜晚食左迪迪小吃
兼識埋個廣東話的老細
應承第二朝車我地周圍睇

DAY 3
睇台灣最南部、鵝鑾鼻、風吹砂、龍磐公園、船帆石等
真係有車先去到
之後到恒春食冬粉鴨
再搭巴士上高雄
在酒店安頓後去火車站
本想搭觀光休閒火車
點知已停駛
改去全台最大商場─夢時代行下
行完去睇城市光廊同埋在愛河漫步
再到六合夜市掃街

DAY 4
一早在酒店曬太陽同游水
晏晝到打狗前英國領事館HIGH TEA
係全台第一座西式建築物
食完搭「高雄的天星」到旗津
沿海灘行
之後見到有巴士就搭
但最抵死係唔知部巴士會去邊都照上
好彩最後去返夢時代
識搭車去鹽埕食度小月、阿婆冰同米糕城

DAY 5
一早起身搭巴士去左營高鐵站搭高鐵去嘉義
轉車到嘉義火車站
想買飛搭上阿里山森林小火車
點知已經賣晒
有個阿婆埋來兜售
個心有D驚係假野
見佢可以通過閘口話我知上車地點
放心左D
佢再兜售山上酒店
結果俾佢成功
火車飛原價
酒店比網上訂仲要平
見仲未開車
去附近食D野
一入到舖頭之後
出面就落好大雨
行返去火車站就成個人濕晒
遇到幾個香港人
講返頭先大家被人兜售的經歷
個個都有D擔心
上到火車
個心定左D
三個半鐘的小火車
有部分路段之字型向前向後上山
真係好得意
其中一個港人原來係師妹
佢環島遊作為畢業旅行
其餘仲有一對情侶
同埋一對FRESH GRAD的女仔
見到酒店係冇花假之後
出去搵野食
撞到頭先D港人
大家決定第二朝清晨搭小火車上山睇日出

DAY 6
清晨三點起身
三點八去到火車站
第一個買到觀日車飛
當地人話已經有好多日睇唔到日出
上到山
見到好多雲
但仲可以在山同雲之間
見到曙光
真係好靚
搭返火車到中途站落車
大伙兒一齊行森林
從來未感受過森林原本係咁壯觀
行完飲早茶
之後再搭巴士去返嘉義
坐返高鐵上台北
真係好快
個幾鐘已經到
到酒店CHECK IN
見到間房真係好靚
有按摩浴缸
放低行李就去左鼎泰豐食小籠包
再到信義誠品
夜晚去士林掃街
食到最尾落大雨
仲跳埋FUSE
成個場黑晒
結果唯有返酒店上網同浸浴

DAY 7
約左在台的大學同學食晏
之後去買手信
再搭高鐵由台北車站去桃園站
轉巴士到機場返香港
咁就玩完七日

由 李酷 發佈 @ 01:24