朋友首日封

兩鐵合併新安排

做個民意調查先
大家覺得呢兩張車票
表唔表達到兩鐵合併呢？

問過幾個人
個個都話睇唔到張飛有任何九鐵的痕跡
但合併後就會在兩鐵網絡全面使用
初期車飛背面會用唔同顏色
以區分係來自地鐵定係九鐵

路線同車站方面
地鐵全部不變
九鐵就會在東鐵、西鐵後面加上線
變成東鐵線、西鐵線
馬鐵改叫馬鞍山線

相同的站名點算？
兩個旺角站
地鐵果個就梗係打死都唔改
要遷就的當然就係九鐵果個
新名稱就叫做旺角東
加上港鐵會用返而家地鐵個LOGO
好明顯唔係合併
而係吞併

唉，咁搞法
九十七年歷史的九鐵
將會從此消聲匿跡
唔知可唔可以拎上古諮會
將「九廣鐵路」呢個名評級呢？

由 李酷 發佈 @ 00:00